Фудбалерот на Баерн Минхен, Леон Горецка, не е вклучен во составот за вечерашниот натпревар од Купот на Германија против второлигашот Улм, а тоа е порака дека тренерот Винсен Компани нема да смета за новата сезона.
„Кикер“ и „Скај Спорт Германија“ објавија дека играчот не е вклучен во групата, иако е здрав и во натпреварувачка форма. Од Бајерн сè уште немаат објавено официјален состав за натпреварот подоцна денес.
Леон Горецка не беше дел од германската репрезентација, која учествуваше на ЕВРО 2024 ова лето и немаше добра сезона со Баерн под водство на тренерот Томас Тухел.
29-годишниот Горецка има договор со баварците до 2026 година. Можно е тој да замине од Баерн Минхен, а за него интерес појави Ливерпул.
