Бразилскиот интернационалец Вилијан го напушта Фулам по две години поминати во клубот од Премиер – лигата, соопшти 36-годишниот фудбалер. Поранешниот играч на Арсенал и на Челси потпиша едногодишно продолжување на договорот со Фулам пред почетокот на минатата сезона, кој веќе истече.
Британските медиуми го поврзуваат со преселба во Саудиска Арабија.
„Би сакал да му се заблагодарам на Фулам за прекрасните две години. Беше посебно да се вратам во Премиер – лигата и да бидам дел од овој историски клуб и неверојатните навивачи. Имав неверојатни моменти и овој клуб секогаш ќе биде во моето срце“, истакна Вилијан.
