Манчестер јунајтед и Баерн Минхен успеаја да дојдат до договор за трансфер на двајца играчи од баварскиот клуб, Матијс де Лихт и Нусаир Мазрауи. „Црвените ѓаволи“ ќе платат вкупно околу 70 милиони евра за овој тандем.
За 24-годишниот Де Лихт, Баерн ќе добие 45 милиони евра, плус дополнителни 5 милиони евра во бонуси кои се сметаат за лесно достижни. Мазрауи, пак, ќе го чини Манчестер јунајтед 15 милиони евра, плус дополнителни 5 милиони евра.
Де Лихт и Мазрауи ќе потпишат договори до 2029 година, со опција за уште една дополнителна година.
