Шпанскиот фудбалски ветеран Хуан Мата тренира со данскиот прволигаш Нордсјеланд, заедно со поранешниот соиграч од Лондон, Микаел Есиен, кој работи како еден од асистентите во стручниот штаб. Можно е да биде регистриран и во иднина да настапува за овој клуб.
Мата во февруари ја заврши соработката со јапонскиот Кобе. Потекнува од Овиедо и играше за младинските категории на Реал. Потоа со своите настапи во Валенсија се проби и играше за Челси, Манчестер јунајтед и Галатасарај.
Одличниот играч за врска кој има 36 години, во моментов е без клуб. Со Шпанија во 2010 година беше светски шампион и ја освои Лигата на шампионите со Челси во 2012 година.
