Крилниот напаѓач на Манчестер Јунајтед, Џејдон Санчо, и менаџерот Ерик тен Хаг, се смирија. Санчо за првпат настапи во почетниот состав откако се врати од позајмицата во Борусија Дортмунд. Манчестер Јунајтед го победи Глазгов Ренџерс со 2-0 во пријателски натпревар, а Санчо играше од првата до 46. минута.
Конфликтот меѓу холандскиот тренер и 24-годишната англиска ѕвезда започна минатата сезона. Тен Хаг го исфрли Санчо од тимот во септември поради меѓусебни јавни критики. Холанѓанецот се жалеше на слабото залагање на Санчо на тренинзите, додека Санчо ги негираше овие обвинувања на социјалните мрежи.
Санчо одби да се извини и изјави дека Тен Хаг го обвинува за сите лоши нешта што се случуваат во тимот. Како резултат на тоа, Санчо беше суспендиран и тренираше сам до зимата, кога беше испратен на позајмица во Борусија Дортмунд.
Џејдон Санчо пристигна во Манчестер Јунајтед пред три години за 85 милиони евра.
