Шпанскиот гигант Реал Мадрид без сомнение направи впечатлив потег со привлекувањето на Килијан Мбапе, без оглед на платата што ќе ја има и бонусот од 100 милиони евра што му е даден при потписот на договорот.
Освен што добија еден од најдобрите фудбалери на светот и иден освојувач на „Златната топка“, Реал Мадрид доби и еден од најпопуларните играчи на планетата. Продажбата на дресови предизвика целосен колапс во испораката, па фановите ќе мораат да чекаат околу месец ден за своите нарачки.
Презентацијата на францускиот напаѓач на стадионот „Сантјаго Бернабеу“ на 16. јули ќе биде спектакл што ќе го следи целиот свет. Интересот е толку голем што околу 105.000 луѓе со часови се пријавуваа за присуство на неговата презентација.
Реновираниот „Бернабеу“ може да прими 80.000 луѓе и се очекува да биде исполнет до последно место.
