Балотели се сели во Бразил и ќе игра за Коринтијанс

Италијанскиот напаѓач Марио Балотели ќе биде нов фудбалер на бразилскиот клуб Коринтијанс. 33-годишниот контроверзен голгетер треба да потпише двегодишен договор, според кој ќе заработува три милиони евра по сезона.

Балотели е слободен играч откако му заврши договорот со турскиот прволигаш Адана.

Поранешниот италијански репрезентативец, кој за „аѕурите“ постигна 14 гола на 36 натпревари, во кариерата настапуваше и за Интер, Манчестер сити, Милан, Ливерпул, Ница, Олимпик Марсеј…