Селекторот на Португалија, Роберто Мартинез, не го криеше разочарувањето по поразот од Франција во четвртфиналето на ЕП 2024 на пенали. Тој изјави дека неговиот тим немал среќа при изведувањето на ударите од белата точка.
Сепак, тој ги пофали своите играчи дека дадоа сѐ од себе.
„Тоа е тажен момент бидејќи играчите многу се бореа и работеа напорно во последните неколку недели. Тага владее во соблекувалната. Нашите навивачи заслужија да ги израдуваат, но не ни успеа. Сепак, ги покажавме можностите на португалскиот фудбал со многу посед. Франција е опасна репрезентација, но ние добро се браневме и одигравме нерешено. Штета е што не можевме да постигнеме гол. Немавме среќа и со пеналите, но има поважни работи во животот од ЕП 2024“, смета Мартинез.
„По натпреварот има многу емоции во соблекувалната, но верувам дека играчите ќе растат по овој пораз. Создадовме многу опасности во последната третина од теренот. По овој настап можам со оптимизам да гледам во иднината“, додаде стратегот.
