Македонскиот второлигаш Брегалница се активира околу креирањето на ростерот за следната 2024/25 сезона. Никола Тонев се враќа на местото спортски директор на клубот.
Тонев веднаш се активираше на трансфер пазарот и денес ФК Брегалница ги потпиша првите две засилувања. Јовица Радевски и Зоран Даноски се нови фудбалери на Брегалница. Радевски доаѓа од Беса, а Даноски од Тиквеш.
Станува збор за квалитетни фудбалери со прволигашко фудбалско педигре и се очекува и те како да помогнат на штипските сини во плановите за експресно враќање во првата лига. Исто така, напаѓачот Иван Глигоров го продолжи својот договор, а со тоа се стави на располагање на шефот на стручниот штаб Трајче Сенев за претстојната сезона.
Подготовките официјално започнуваат на 08 јули, а шест фудбалери од младинската школа ќе се приклучат кон првиот тим.
Закажани се и пријателски подготвителни натпревари по следниот распоред:
20.07 Брегалница – Детонит
24.07 ФК Вихрен (Бугарија) – Брегалница
27.07 слободен термин – се чека противник
01.08 Работнички – Брегалница
10.08 Брегалница – Победа (генералка)
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
Ексклузивна колумна на Филип Лам: Фудбалот е богатство, различност, демократија, и може да ве направи бесмртен
ФУДБАЛОТ Е ЕВРОПСКА ИГРА Фудбал се игра насекаде низ светот, но Европа со сигурност...
Автор makfudbal