Македонскиот фудбалски репрезентативец Иван Тричковски ја продолжува голгетерската низа во првенството на Кипар. Тој успеа да се запише во листата на стрелците и на денешниот меч против Паралимни. АЕК Ларнака славеше со 3-0, а Иван Тричковски беше стрелец на третиот гол за својот тим, потврдувајќи ја победата во судиското продолжение од натпреварот.
Првиот гол за АЕК Ларнака беше дело на Ларена од пенал, а вториот го постигна Аквино.
АЕК Ларнака со 39 бода се наоѓа на четвртото место на табелата во првенството на Кипар.
