Олимпик Марсеј официјално објави дека клубот постигнал договор со поранешниот менаџер на Брајтон, Роберто Де Зерби, кој се раздели со премиерлигашот по завршувањето на минатата сезона.
„Олимпик Марсеј постигна принципиелен договор со Роберто Де Зерби. Во моментот, клубот работи со сите заинтересирани страни за да го официјализира пристигнувањето на италијанскиот тренер и неговиот штаб на клупата и да се подготви за неговото пристигнување во Марсеј во наредните денови“, напишаа од францускиот клуб.
Според информациите, Де Зерби ќе потпише со Олимпик Марсеј за три години, а на неговиот поранешен клуб Брајтон ќе му биде платена компензација од околу 6 милиони евра. Тој го презеде тимот во септември 2022 година, откако неколку месеци по почетокот на војната во Украина го напушти Шахтјор Доњецк.
