Реми во Келн, Швајцарците на чекор до осминафинале, но Шкотска е сѐ уште жива (ВИДЕО)

Шкотска и Швајцарија одиграа 1-1 во Келн. Швајцарците со ова реми стигнаа до четири бода и се на чекор до пласман во осминафиналето, но во третото коло ги очекува дуел со лидерот во групата, Германија.

За Шкотска е ова прв бод и сѐ уште има теоретски шанси за второто место, со оглед дека сега им следи меч против Унгарија, која е веќе без шанси за нокаут фазата.

Скот Мектоминеј во 13.минута донесе водство за Шкотска, но израмни Џердан Шаќири со прекрасен удар од далечина во 26.минута од мечот.