Кристијано Роналдо постави нов рекорд кој долго нема да биде надминат, тој е единствениот фудбалер учесник на шест европски првенства, а неговите соиграчи во драматичен натпревар му подарија победа против Чешка со 2-1.
Херој на Португалците беше Франциско Консеисао, синот на легендарниот Серџо Консеисао, кој успеа да постигне победнички погодок во 92.минута од дуелот.
Чешка долго одолеваше на нападите на Португалија, постигна и шокантен погодок преку Провод во 62.минута, но и покрај тоа на крајот се радуваа Роналдо и другарите.
Робин Хранац во 69.минута си постигна автогол и ја врати Португалија во игра за триумф, а во финишот младиот Франциско Консеисао погоди за победа од 2-1.
