Стратегот кој ја одведе Борусија Дортмунд до финалето во Лигата на шампионите, Един Терзиќ, поднесе оставка. Раководството на “милионерите” ја прифати оставката на Терзиќ и ќе бара нов тренер за следната сезона.
Един Терзиќ ја напушти Борусија Дортмунд помалку од еден месец откако ги одведе до финалето на Лигата на шампионите, откако германскиот клуб ја прифати неговата оставка.
Позицијата на Терзиќ беше многу сигурна, бидејќи како тренер им ја освои германската купа во 2021 година и ги однесе до финалето на Лигата на шампионите во завршената сезона, каде што тесно загубија од Реал Мадрид.
Сепак, тој одлучи да се повлече од својата улога, откако неговата понуда за оставка беше прифатена по разговор со клубот.
„Иако многу боли, сакам да ве информирам дека денес ќе го напуштам Борусија Дортмунд. Беше огромна чест да го водам овој клуб до финалето на ДФБ купот и неодамна до финалето на Лигата на шампионите“, изјави Терзиќ.
„По нашето финале на Вембли, побарав разговор со раководството на клубот, бидејќи сум во Борусија Дортмунд повеќе од 10 години, од кои пет како тренер и две и пол како главен тренер, и имам чувство дека нашиот нов почеток треба да биде со некој нов на клупата.
„По интензивни дискусии, моето чувство не се промени. Му посакувам на клубот се најдобро. Ова не е збогум, туку до следниот пат”, изјави Един Терзиќ.
