Финалистот на Kонференциската лига на УЕФА, Фиорентина, силно е заинтересирана за напаѓачот на Динамо Загреб, Бруно Петковиќ.
Минатото лето за него имаше интерес од Турција, од Трабзонспор. На крајот Петковиќ остана во Динамо Загреб и потпиша нов договор, но во него беше вклучена откупна клаузула од 2 милиони евра со важност до 15 јуни. По тој датум, откупната клаузула се зголемува на 2,5 милиони евра.
Според италијанските медиуми, гигантот од Фиренца сериозно размислува за можноста за искористување на откупната клаузула за Бруно Петковиќ до крајот на оваа недела.
