Милан ќе се обиде да го доведе Артјом Довбик од Џирона, објавија италијанските медиуми. Украинскиот интернационалец е прв на списокот на „росонерите“ по Џошуа Зиркзе од Болоња.
Холанѓанецот има ослободителна клаузула во договорот од 40 милиони евра, како и провизија од 15 милиони евра за личните агенти, што е премногу сериозна сума за Милан.
26-годишниот Довбик со 24 гола стана најдобар стрелец во Ла Лига минатата сезона, а неговата цена се очекува да биде значително пониска од онаа на Зиркзе.
Милан за Довбик ќе има конкуренција во англискиот премиерлигаш Арсенал.
