Легендата Џејми Варди потпиша нов договор со Лестер, официјално соопштија од клубот. Тој го продолжи договорот на уште една година и ќе се врати во Премиер – лигата откако „лисиците“ го освоија Чемпионшип и се вратија во елитното ниво на англискиот фудбал.
Сериозен придонес во ова даде и самиот Варди кој постигна вкупно 20 гола, иако не беше стартер на повеќето натпревари на тимот.
„Среќен сум со бројките што ги постигнав минатата сезона, но претстои уште многу. Се грижам за себе и секогаш сум велел дека годините се само бројка. Нозете ми се в ред и така продолжува ѐе додека не кажат „играта заврши“. Ќе дојде ден кога тоа ќе се случи, но тој ден не е сега“, изјави напаѓачот за официјалниот сајт на клубот.
Легендарниот напаѓач е дел од Лестер од сезоната 2012/13 и досега има 662 настапи и 307 голови за клубот. Тој беше ѕвезда на тимот во сензационалната титула на „лисиците“ во 2015/16 година, како и во освојувањето на ФА Купот во 2020/21 година.
