Претседателот на Пари Сен Жермен, Насер Ал-Келаифи, изјави дека стратегијата на клубот се менува со заминувањето на ѕвездата на тимот Килијан Мбапе во Реал Мадрид.
„Ова е нова ера. Ја имам целата почит кон Меси, Нејмар, Килијан. Знам што направија за клубот“, изјави Ал-Келаифи.
„За нас беше важно да ги имаме во тимот. Им посакувам сѐ најдобро во новите предизвици, но ѕвездата кај нас отсега ќе биде тимот“, додаде претседателот на ПСЖ.
Времето ќе покаже како ќе се претстави тимот на ПСЖ во ерата по галактичките фудбалери. Тимот не успеа да ја освои Европа и покрај сите ѕвезди и покрај хегемонијата во Франција со десет титули во последните 12 години, стигна само до финалето во Лигата на шампионите, а во последната сезона играше полуфинале.
Амблематичните играчи во клубот се движат од Дејвид Бекам до Златан Ибрахимовиќ, Анхел Ди Марија и Серхио Рамос. Дури и Меси не успеа целосно да го смени тимот од Париз.
Во последно време купувањата на ПСЖ беа поскромни, бидејќи беше доведен Рандал Коло Муани за 95 милиони евра, Гонзало Рамос за 65 милиони, а Осман Дембеле за 50 милиони евра од Барселона. Бредли Баркола и Ворен Заир-Емери се младите француски таленти кои во иднина треба да бидат носителите на тимот.
