Арсенал сака да го ангажира крилото на Џирона, Виктор Циганков. На Микел Артета му се допаѓаат квалитетите на украинскиот интернационалец и сака да го донесе на „Емирати“, пишува „АС“.
26-годишниот фудбалер имаше одлична сезона со тимот на Џирона и беше во срцето на силните игри на тимот кој обезбеди пласман во квалификациите за Лигата на шампионите. Ова очекувано го привлече интересот на европските гиганти, а сега Арсенал се обидува да ги победи ривалите за неговиот потпис.
Циганков одигра 34 натпревари во текот на сезоната, постигнувајќи осум гола и седум асистенции. Тој може да игра на различни позиции во нападот, квалитет што го цени Артета и е уште една причина зошто сака да го има во својот тим.
Привлекувањето на Циганков можеби и не е толку лесна задача бидејќи играчот има договор до 2027 година. Сепак, неговата цена е релативно ниска за можностите на Арсенал, моментално се проценува на 28 милиони евра.
