Европските селекции играат пријателски натпревари, оние поквалитетните се подготвуваат за настапот на ЕВРО 2024. Белгија ја победи Црна Гора со 2-0, а јубилејниот стоти меч за националниот тим со гол го прослави Кевин де Бруин. Погоди и Леандро Тросар од пенал во последните моменти од мечот.
Франција го совлада Луксембург со 3-0. Килијан Мбапе се запиша меѓу стрелците, а претходно асистираше и за головите на Рандал Коло Муани и на Жонатан Клаус.
Норвешка го победи Косово со 3-0, со хет-трикот на Ерлинг Халанд.
Данска славеше против Шведска со 2-1, а победничкиот гол беше дело на Кристијан Ериксен во 85.минута од мечот.
