Бешикташ го назначи Џовани ван Бронхорст за нов тренер, на местото на Фернандо Сантош, кој беше отпуштен во април, објави клубот.
Холанѓанецот потпиша двегодишен договор, со опција за уште една дополнителна сезона. Клубот минатата сезона се раздели со четворица ментори, меѓу кои и Сантош, кој беше сменет од привремениот тренер Сердар Топрактепе, а подоцна го освои и Купот на Турција.
Ван Бронхорст ја започна својата тренерска кариера во Феенорд во 2015 година. По три сезони во клубот, тој помина една година во кинескиот суперлигаш Гвангжу пред да го замени Стивен Џерард како менаџер на Ренџерс во ноември 2021 година.
Тој го предводеше Ренџерс до финалето на Лига Европа и го освои Купот на Шкотска, но доби отказ една година по неговото доаѓање.
