Голманот Тибо Куртоа зборуваше за победата на неговиот Реал Мадрид со 2-0 над Борусија Дортмунд во финалето на Лигата на шампионите. Тоа беше 15. трофеј за „кралевите“.
Куртоа изјави дека сите во тимот сакале да му приредат незаборавно збогување со трофеј на Тони Крос во последниот натпревар како професионален играч во клупскиот фудбал.
„Не игравме добро во првото полувреме, но потоа се подобривме. Се обидов да спасам сѐ што можев. Се вратив уште посилен, паузирав долг период, но се чувствував добро на тренинзите и одиграв неколку натпревари пред ова финале. Среќни сме што победивме, особено кога ја знаевме судбината на Тони Крос. Сакавме да му приредиме совршено збогување“, изјави Куртоа.
