Арсенал го зголемува интересот за крилниот напаѓач на Атлетик Билбао, Нико Вилијамс. Од „Емирати“ се подготвени дури и да ја платат отштетната клаузула на 21-годишниот талент, која е околу 50 милиони евра, пишува „Фудбал Лондон“.
„Топчиите“ сакаат да го завршат договорот што е можно побрзо за да можат да имаат комплетно тим пред почетокот на летниот тренинг камп. Затоа се очекува многу брзо да почнат да работат на овој трансфер.
Атлетик Билбао не сака да остане без еден од најважните играчи, но не може да го сопре трансферот доколку биде активира откупната клаузула во договорот. Така Арсенал ќе има навидум полесна задача да постигне договор со Нико Вилијамс за условите под кои би се согласил да дојде на „Емирати“.
Нико Вилијамс е производ на школата на Атлетик. Досега за баскискиот клуб има 122 настапи, 20 гола и 24 асистенции. За него е заинтересирана и Барселона, но Каталонците тешко можат да се натпреваруваат со финансиските можности на Арсенал.
