Селекторот на Шпанија, Луис де ла Фуенте, го објави списокот на играчи кои ќе конкурираат за настап на Европското првенствo. Поради повреда го нема Иско Аларкон, изоставен е и Марко Асенсио, но во составот е ветеранот Начо од Реал Мадрид. Дебитанти се Ајозе Перез и Фермин Лопез.
На список на Шпанија во моментот има 31 играч, а селекторот Де ла Фуенте ќе го скрати на 26 играчи после пријателските мечеви против Андора и против Северна Ирска.
Шпанија на ЕВРО 2024 ќе игра против Хрватска (15 јуни), Италија (20 јуни) и Албанија (24 јуни).
