Македонскиот фудбалски дијамант Елиф Елмас уште еднаш ја покажа врвната класа откако беше стрелец во големото турско дерби меѓу Фенербахче и Галатасарај. Тој постигна гол и го спаси Фенер од пораз израмнувајќи на 1-1 во 71.минута. Пет минути претходно Галата дојде во водство.
По натпреварот, Елиф Елмас бликаше од среќа, истакнувајќи дека се исполнил неговиот сон.
„Пресреќен сум. Првпат играм на вакво дерби и веднаш постигнав гол. Сонував за ова. Среќен сум што продолжи низата и се надевам дека ќе трае долго време“, изјави Елиф Елмас.
