Килијан Мбапе нема да учествува на Олимпијадата во Париз, тврди шпанскиот „Cope“. Причината е што идниот клуб на напаѓачот, Реал Мадрид, сака да го има во текот на целите летни подготовки и нема да дозволи да отсуствува во август.
Игрите во француската престолнина ќе се одржат од 26 јули до 11 август. Мбапе во неколку наврати изјави дека сака да им помогне на „петлите“ на олимпискиот турнир, но се чини дека тоа нема да се случи.
Трансферот на ѕвездата во Реал Мадрид сѐ уште не е официјално објавен, но се очекува тоа да се случи за неколку дена.
„Кралевите“ инсистираат Мбапе да биде дел од подготовките на тимот од самиот почеток и брзо да соработува со новите соиграчи.
