Македонскиот репрезентативец Александар Трајковски се запиша во листата на стрелците во првиот дел од мечот меѓу Палермо и Падова. Тој постигна прекрасен погодок со шут од 18 метри и го доведе Палермо во водство во 14.минута.
Сепак, Падова израмни само две минути подоцна. Овој дуел е многу значаен за Палермо во битката за пласман во Серија А, а во стартниот состав се наоѓа и Илија Несторовски.
