Македонскиот фудбалски репрезентативец Езгјан Алиоски со хируршки зафат ја санираше повредата на менускусот на левото колено која ја заработи на вчерашниот меч против Бренфорд. За него сезоната е завршена, а најверојатно нема да му биде на располагање ниту на селекторот Игор Ангеловски за квалификациската јунска сесија.
„Благодарам за убавите желби и пораките на поддршка. Ќе се вратам посилен, напред Лидс“, порача Алиоски.
Алиоски ќе ги пропушти двата квалификациски натпревари на македонската репрезентација во јуни, против Полска и против Австрија.
