Томас Тухел нема да биде тренер на Баерн Минхен следната сезона. Иако постоеја шанси тој да се премисли, со оглед дека таков развој најави и клубот, сепак, Тухел денеска потврди дека присуствува на последната прес-конференција како тренер на Баерн Минхен.
„Ова е моја последна прес-конференција како тренер на Баерн“, изјави Тухел. „Имаше разговори, но не постигнавме договор, па одлуката од февруари останува“.
Раководството на Баерн Минхен подолг период не успеа да пронајде нов тренер, откако на Тухел му најави разделба уште во февруари. Потоа имаше пресврт и повторно имаше разговори со Тухел за негово останување, но очигледно дека не дадоа позитивен ефект.
