Кире Маркоски херој на Спартак Трнава во финалето на Купот на Словачка

Македонскиот интернационалец Кире Маркоски со два гола учествуваше во триумфот на Спартак Трнава во финалето на Купот на Словачка. Неговиот тим го доби финалето по изведување пенали.

Спартак Трнава поведе со 3-0, а Кире Маркоски беше стрелец во 45. и во 48.минута од натпреварот. Но, потоа Жилина возврати и израмни на 3-3, па финалето влезе во продолженија, а на крајот се решаваше на пенали.
По изведување на удари од белата точка, Спартак Трнава славеше со 4-1 и го освои куп – пехарот.