Англискиот премиерлигаш Ливерпул настојува да го ангажира шпанскиот репрезентативец и фудбалер за врска од Реал Сосиедад, Мартин Зубименди. Клубот од „Енфилд“ активно работи на доведување на нов дефанзивен играч од средниот ред, кој ќе биде првото засилување за Ливерпул ова лето. Досега, единствено Ливерпул од сите тимови во Премиер – лигата сè уште не има ново пополнување во овој трансферен прозорец.
Откупната клаузула во договорот на Зубименди е 60 милиони евра. Ливерпул ќе се обиде да преговара за пониска сума, но тоа ќе биде тешка задача. Понатаму, „црвените“ треба да го убедат 25-годишниот европски шампион со Шпанија да го избере нивниот клуб како следна дестинација.
Зубименди привлекува интерес и од други клубови во Премиер – лигата, вклучувајќи го и Арсенал. Барселона, пак, се обидува да го доведе Зубименди уште од минатото лето.
Зубименди беше резервен играч на Родри за време на Европското првенство, но се истакна во финалето против Англија, кога го замени повредениот ас на Манчестер Сити на полувремето.
