Реал Мадрид одигра реми без голови на гости против Осасуна, а тренерот Зинедин Зидан е бесен затоа што Ла Лига воопшто дозволи овој натпревар да биде одигран. На замрзнатиот и снежен терен, како што вели Зидан, не можело да се игра фудбал.
„Ова е срамота за Ла Лига. Ова не беше фудбалски натпревар, а ние сторивме тоа што можевме на замрзнат терен. Мислам дека мечот воопшто не требаше да започне. Требаше да биде одложен како некои други натпревари“, изјави Зинедин Зидан.
Францускиот стратег алудираше на натпреварот меѓу Атлетико Мадрид и Атлетик Билбао кој е одложен поради снежно невреме.
