Тренерот на Атлетико Мадрид, Диего Симеоне, го испрати Жоао Феликс да тренира со младинците на тимот, на стартот на подготовките за новата сезона. Ова кога Симеоне тренираше тактички замисли со првотимците. Во вториот дел од тренингот, како што пренесува „Марка“, Жоао Феликс бил приклучен со тимот.
Ова веројатно е порака на Атлетико Мадрид за португалскиот напаѓач дека ќе треба да си замине до крајот на преодниот рок. Симеоне очигледно нема намера да се потпира на Жоао Феликс, кој се врати во клубот по позајмицата во Челси.
23-годишниот Португалец се поврзува со трансфер во Пари Сен Жермен. За негово враќање е заинтересиран и неговиот поранешен клуб Бенфика.
