Втора лига Запад: Вардар се враќа на Арената, домашни задачи за Силекс и за Воска

Најтрофејниот македонски фудбалски клуб Вардар за првпат како второлигаш денеска (15 часот) се враќа на Арената „Тодор Проески“ и ќе го пречека Охрид, на почетокот на третиот круг од натпреварувањето во Втората лига Запад. „Црвено-црните“ ќе се обидат да ја анулираат негативата во однос на Воска, во трката за второто место на табелата кое носи бараж за пласман во елитата.

Воска Спорт исто така е домаќин и ќе игра против Кораби, а лидерот Силекс исто така е фаворит на домашен терен во Кратово против Беса.

Тетекс ќе го пречека составот на Велешта, а Гостивар ќе биде домаќин на Кадино.