Продолжува битката во Втората лига Запад. Вардар се надева дека ќе успее да го преземе второто место на табелата од Воска, но ќе треба да дочека кикс на ривалот. Двата тима денеска (15 часот) играат дома и имаат релативно лесни задачи.
Вардар ќе го пречека тимот на Кадино, кој во последниот период убедливо ги губи натпреварите, а и Воска игра на домашен терен против Велешта.
Интересно ќе биде гостувањето на Охрид во Кратово против лидерот Силекс.
Беса го пречекува Кораби, додека Тетекс и Гостивар ќе имаат соседско дерби.
Натпреварите се закажани за 15 часот.
