Втора лига Запад: Вардар на „братски“ дуел со Тетекс, Воска го пречекува Гостивар

Најтрофејниот македонски клуб Вардар загуби од Гостивар во минатото коло и сега трката за второто место за „црвено-црните“ е сведена на теорија. По поразот дојде и до промена на тренерската позиција, па денеска против Тетекс свое деби како прв тренер на тимот ќе има Бобан Грнчаров.

Воска Спорт ќе го пречека Гостивар, кој во минатото коло им заврши голема работа, а Силекс е голем фаворит против Кадино.

Беса е домаќин на Охрид, а Кораби ќе ја пречека Велешта.

Натпреварите почнуваат од 16 часот.