Втора лига: Убедлив триумф за Пелистер, „минималец“ на Детонит Плачковица

Пелистер оствари убедлив триумф над Башкими (4-0) во 13. коло од Втората фудбалска лига. Бојан Спиркоски, Симеон Христов, Давид Јошевски и Дарко Размоски беа стрелци за „пелистерци“.

Сепак, второто место останува за Детонит Плачковица кој на домашен терен го совлада ГФК Охрид со 1-0. Стрелец на победничкиот гол на натпреварот беше Бабунски во 56. минута.

Новаци го победи Караорман на гости со 1-3, Кожуф славеше со 3-2 против Каменица Саса, а Вардар Неготино исто така минимално ја победи Беласица со 1-0. Арсими во снежни услови беше убедлив против Победа и славеше со 8-1.

Поради лоши временски услови одложени се натпреврите Беса – Тетекс и Скопје – Осогово.