Брегалница на „Автокоманда“ денеска (14 часот) ќе го брани лидерското место на табелата во Втората лига. ФК Скопје е „непријатен домаќин“, добро го знаат тоа штипјани и свесни се дека ги очекува еден мошне тежок натпревар.
„Нѐ очекува сигурно најтешкиот натпревар досега во оваа сезона. Нашите навивачи може да очекуваат дека ќе ја играме нашата игра и ќе го дадеме максимумот да се вратиме дома со трите бода“, изјави Давид Калпачки.
Македонија ЃП службено го загуби мечот со Новаци и сега ќе мора да тргне по три бода на гости против Вардарски.
Аресими гостува кај Каменица Саса, а Кожуф е домаќин на Детонит Плачковица.
ДВОЈКИ ВТОРА ЛИГА, 6. КОЛО (14 ЧАСОТ)
ВАРДАР НЕГОТИНО – БАШКИМИ
ПОБЕДА – ОХРИД ЛИХНИДОС
НОВАЦИ – БЕЛАСИЦА
КАМЕНИЦА САСА – АРЕСИМИ
ВАРДАРСКИ – МАКЕДОНИЈА ЃП
ОСОГОВО – БОРЕЦ
СКОПЈЕ – БРЕГАЛНИЦА
КОЖУФ – ДЕТОНИТ ПЛАЧКОВИЦА
