Лидерот Брегалница оствари победа од 2-1 против Победа на Градскиот стадион во Штип на отворањето на пролетниот дел од сезоната во Втората лига Исток. Со пресврт во вториот дел, избраниците на Марјан Секуловски дојдоа до трите бода. Победа поведе со голот на Дарко Грозданоски во 23.минута, израмни Мартин Стојанов, а Дарко Додев во 75.минута се погрижи за пресврт и триумф.
Тиквеш со новиот тренер Пане Блажевски очекуванмо славеше против Росоман со 3-0. Благоја Љамчевски во 15.минута го постигна водечкиот гол, а Едиз Спахиу во финишот беше двоен стрелец.
Кит Го оствари победа (0-2) на гости против Слога Виница. Оливер Христов во првото и Зоран Андонов во второто полувреме беа стрелци на головите за Кит Го.
Кожуф и Плачковица ремизираа без голови, а Осогово и Каменица Саса одираа 1-1.
На табелата, Бреланица е на првата позиција со седум бода предност во однос на Тиквеш.
Standings provided by SofaScore LiveScore
