Воска го претстави Валон Незири како засилување на голманската позиција

Македонскиот второлигаш Воска Спорт полека го комплетира тимот за новата сезона. Охридскиот клуб го претстави Валон Незири како ново засилување за голманската позиција. Тој доаѓа од Беса, а претходно има настапувано и за Ренова, Гостивар и за Кораб.

Претходно, Воска го презентираше и новиот шеф на стручниот штаб, Берат Имери. Стратегот од Тетово потпиша едногодишен договор, а претходно во кариерата го водел Кораб и младинските категории во Шкендија.