Воска Спорт направи два чекори напред кон финалето во Купот на Македонија откако го совлада бранителот на трофејот, Македонија ЃП, со 2-0. “Лавовите” сега ќе имаат тешка задача да ја надоместат оваа негатива на реваншот за три седмици во Ѓорче Петров.
Медин Бајрами донесе предност за Воска Спорт со удар со глава во 38.минута. Само една минута подоцна, асистентот на првиот гол, Бобан Георгиев, беше стрелец на вториот погодок за Воска на овој меч.
Во второто полуфинале, Шкупи и Тиквеш вчера ремизираа без голови, па патникот во финалето ќе се решава на реваншот во Кавадарци.
