Маурисио Покетино замина од ПСЖ, но сега проблемите ги наследи Кристоф Галтие. Француските медиуми повторно се занимаваат со клановите во соблекувалната на ПСЖ. Ситуацијата е добро позната од претходно и главен проблем е Килијан Мбапе. Меѓу него, Нејмар и Лионел Меси нема хемија во соблекувалната, иако на теренот се обидуваат да делуваат синхронизирано.
Челниците на ПСЖ добро ја знаат ситуацијата. Нејмар и Меси имаат одлични односи уште од Барселона, а Мбапе не може да го поднесе Нејмар.
Мбапе пред почетокот на сезоната го доби најплатениот договор во светот на фудбалот и сакаше да стане главна ѕвезда на ПСЖ. Сакаше да го симне од тронот Нејмар, најплатениот играч на сите времиња. Сепак, Нејмар одговори со одлична форма, но и со тоа што Меси значително ја подобри формата покрај него.
Сето ова му пречи на Мбапе, кој го поддржува Серхио Рамос. Рамос наводно е поблизок до кланот на Мбапе отколку до оној во кој се Меси и Нејмар. Јужноамериканскиот клан ослабе со заминувањето на Анхел Ди Марија, Леандро Паредес, Мауро Икарди и Андер Херера, но сепак е силен бидејќи го сочинуваат Меси и Нејмар.
Оваа состојба во соблекувалната секако ќе влијае и на резултатите на Пари Сен Жермен.
