Војчех Шчешни итно опериран

Голманот на Јувентус, Војчех Шчешни, беше опериран откако го скрши носот на дербито против Торино (0-0). Не е јасно колку долго полскиот интернационалец ќе биде надвор од терените, а од клубот известуваат дека неговата состојба ќе се следи секојдневно.

Шчешни ја помина ноќта во болница и се очекува да биде отпуштен подоцна денеска.

Шчешни беше еден од клучните играчи на Јуве оваа сезона. Полјакот забележа 14 „чисти мрежи“ на 30 натпревари за „старата дама“ во текот на сезоната.