Челси и понатаму има проблеми со повреди, а клубот објави дека Енцо Фернандез и Аксел Дисаси се повредени и дека ќе го пропуштат следниот натпревар на „сините“, кој е против Евертон во Премиер – лигата во понеделник навечер.
Рахим Стерлинг, Роберт Санчез, Леви Кавил, Рис Џејмс, Весли Фофана, Ромео Лавија, Кристофер Нкунку и Лесли Угочукву исто така продолжуваат да се опоравуваат од различни повреди и нема да бидат достапни за Маурисио Покетино.
Во Челси продолжуваат да растат тензиите, тимот е на деветтото место во Премиер – лигата со 44 бода, пет помалку од шестопласираниот Манчестер Јунајтед, а лондончани имаат и натпревар помалку.
