Влатко Костов е нов тренер на Пелистер

Македонскиот второлигаш Пелистер го именува Влатко Костов за нов тренер. Еден од најеминентните тренери, кој во минатото беше и фудбалер на битолскиот тим, го презема составот со амбиции за влез во елитата.

„Мене ми е чест што ја добив довербата од клуб каков што е Пелистер и луѓето што го водат клубот. Заедничка цел ни е пласман во Првата лига и од првиот ден ќе работиме на тоа“, изјави Влатко Костов.