Јувентус ја оствари 12. победа во Серија А оваа сезона откако го победи Фросиноне на гости со 1-2. Со тоа „старата дама“ се доближи на само бод негатива до лидерот Интер кој вечерва игра против Лече.
Младиот Јилдиз донесе водство за Јуве во 12.минута, но Фросиноне израмни на почетокот на вториот дел, со голот на Хаиме Баез во 51.минута.
Алегри потоа во игра го внесе Душан Влаховиќ кој успеа да постигне победнички погодок во 81.минута од дуелот.
