Винисиус Жуниор, ѕвездата на Реал Мадрид, одлучи да го прошири своето бизнис портфолио и да стане сопственик на фудбалски клуб. Според извештаите на „ЕСПН“, бразилскиот фудбалер купил акции на португалскиот клуб Портимоненсе, кој се натпреварува во вториот ранг на португалскиот фудбал.
Портимоненсе се натпреварува во Лига про, вториот по квалитет натпреварувачки ранг во Португалија. Клубот е вреден 13,98 милиони евра според специјализираниот сајт „Трансфермаркт“. Исто така, интересно е што претседател на Портимоненсе е Родинеј Сапао, Бразилец, како и Винисиус.
Овој потег на Винисиус Жуниор потсетува на неодамнешниот чекор на Килијан Мбапе, кој купи 80% од акциите на францускиот клуб Каен, исто така второлигаш, за 15 милиони евра.
