Англискиот премиерлигаш Челси го комплетираше трансферот на Весли Фофана од Лестер. Тој потпиша седумгодишен договор и ќе ја засили конкуренцијата во одбраната на клубот од „Стемфорд бриџ“. За него Челси плати 90 милиони евра што го прави најскап дефанзивец во историјата.
„Ова е мојот најсреќен ден. Потпишав договор, а утрово го имав и првиот тренинг со тимот. Верувам дека ќе придонесам за многу успеси на Челси во иднина“, изјави Весли Фофана, кој беше претставен од новиот сопственик на клубот, Тод Боели.
