Легендарниот англиски фудбалер и поранешен напаѓач на Манчестер Јунајтед и на Евертон, Вејн Руни, е назначен за нов менаџер на Плимут.
Овој тим едвај обезбеди опстанок во Чемпионшип, но со ангажманот на Руни се надева дека ќе направи голем исчекор во наредниот период.
Вејн Руни потпиша тригодишен договор со Плимут.
„Одушевен сум од новата соработка и голема чест ми е да бидам менаџер на Плимут“, изјави Вејн Руни.
Тој беше врвен фудбалер, но сѐ уште се обидува да се пронајде во тренерскиот занает.
