Вардарци слетаа во Болоња, ги дочека автобус со паролата „Многу си моќен“

Македонскиот фудбалски великан Вардар пристигна во Болоња, Италија, како дел од своето европско патување во рамки на квалификациите за Конференциската лига. Оттаму, „црвено-црните“ ќе продолжат кон Сан Марино, каде во четврток ги очекува реванш натпреварот против тимот на Ла Фиорита.

Тимот отпатува во комплетен состав, а интересен детал е што играчите и стручниот штаб ќе патуваат до крајната дестинација со новиот клупски автобус – што дополнително ја збогатува атмосферата и дава симболика на обединетост и амбиција. На автобусот ја има паролата „Многу си моќен“.

Вардар има голема предност од првиот дуел одигран во Скопје – триумфираше со убедливи 3-0 и сега е на чекор до пласман во следната рунда.